Accidente entre tres auto na Jaburibari, un persona a resulta herida

Jaburibari – Diamars anochi algo prome cu 8’or polis a bay altura di Parke Curason na Jaburibari, pa un accidente entre 3 auto.
Informacion adicional tawata papia cu lo tin un persona levemente herida.

Na yegada di polis mester a cera ambos banda di caminda pa trafico. E motibo tawata cu e tres autonan tawata mey mey di e caminda.
Autonan envolvi tawata un pick up, un Mitsubishi Lancer y un Chevrolet Spark.

Na e sitio nos a compronde cu e Mitsubishi lo a bira na su man robes y a dal e pick up. E pick up door di e impacto a perde control bin dal e Chevrolet Spark.

Personal di ambulance na yegada a transporta e persona levemente herida pa hospitaal.