Spaans Lagoen: Diadomingo den oranan di mainta tempran, e Boto Rosalia A1331, a sali bay pisca, den e boto tabata tin dos persona, Tivo Vasquez y su yiu Josmar Vasquez.
Nan a sali bay direccion zuid, algun miya pazuid di Aruba nan a dicidi di tira linea, no a tarda mucho cu e linea a bira di mas pisa, mesora nan a nota cu nan tabata tin un pisca gigante na linea.
Pa mas o menos mey ora cu nan tabata luchando pa hisa e pisca den boto, ta pasa un otro boto di e piscador Richnald Werleman, mesora Richnald a bay yudanan subi e pisca den e boto.
Manera cu e Djampou gigante aki tabata den boto, tata cu yiu a sali di biaha rumbo pa Rancho Clemente, caminda cu hopi dificultad a logra pisa e djampou aki, di nada menos cu 157 kilo.
Mayan durante dia e pisca aki lo ta na benta na Rancho Clemente.
