Auto ta ranca palo di luz pabou di kazerne di brandweer na Tanki Flip

Tanki Flip – Diasabra atardi den careda di 6:30 polis di trafico ta bay poco pabou di e kazerne di Brandweer, pa un auto cu lo a cay den greppel.
Na yegada polis di trafico e ta constata cu un auto despues di dal un otro, a pasa over di e greppel bay pega den mondi.

Durante cu esaki a pasa ela kibra un palo di luz, cu a keda colga ariba caminda.
Pa e motibo aki rotonde Tanki Flip y tambe rotonde Aruba Bank Hato a wordo cera.

Ambulance tambe a presenta pa controla un persona cu tawata envolvi den e accidente.