131
Nikky Beach – Diahuebs pa mas o menos 11’or di anochi, Flex team un biaha mas ta score, durante cu nan tabata patruyando, riba e beach pariba di Nikky Beach, nan ta mira dos auto sospechoso staciona.
Mesora nan a bay controla e Kia Rio bruin y e Toyota SUV shinishi y nan a canta bingo, despues di a bin topa cu 5 persona cu un cantidad di marihuana y ecstasy( Pildo) den nan poder.
Mesora polis a detene tur 5 persona y a pidi pa transportanan pa warda di polis na Shaba, caminda nan mester a presenta dilanti hulp officier.
Esaki ta e di dos caso den e siman aki, caminda cu durante controlnan di polis fuera di haya marihuana ta haya pildernan di Ecstasy.
