E aña aki Fundacion Anti Droga Aruba (F.A.D.A.) lo bay tin e campaña di ‘Awe NO’. Nos como Fundacion cu ta pone enfasis ariba e temanan di droga y alcohol y tambe ariba tuma decisionnan sano na bienestar di bo mesun salud y bienestar personal, kier challenge tur hende den comunidad pa participa na e reto di ‘Awe NO’ pa 40 dia cuminsando for di dia 14 di februari 2018.
Dicon participa? E meta di e campaña ta pa esun cu ta participa scoge un reto pa na mes. Nan por experencia kico 40 dia sin e mal custumber ta haci cu un persona. E participante lo ripara un cambio den manera di biba y un cambio positivo nan na curpa. Porta e por asta haci un diferencia den bo cartera cu lo keda mas yen.
E campaña lo bira un ‘facebook event’. Tur hende cu kier participa por haci esaki ariba nan mes. Durante e 40 dianan F.A.D.A. lo post ariba e facebookpage, snapchat y instagram diferente ‘tips&tricks’ pa asina motiva tur hende pa logra keda sin haci uzo di e mal custumber.
Tur hende por scoge pa nan mes di kico nan kier bay detox. Esaki por ta di humamento, fast food, bebe refresco, alcohol, cofi etc.
Si acaso un participante no logra mantene su mes na e dianan, e por sigi e reto pero esey kiermen e mester bay evalua pa su mes kico e por mehora pa asina toch logra te na final di e 40 dianan.
E aña aki nos kier introduci e challange na nos scolnan tambe. E challenge ta pa nos muchanan come mas saludabel cu ta posibel durante nan pauze di scol. E meta ta pa stimula nos muchanan pa come y biba mas saludabel.
E scol cu participa lo participa den un forma voluntario, cu e speransa cu e docentenan/ mayornan por wak un cambio positivo den e muchanan nan actitud pa nan salud durante y despues di e periodo di e challenge aki.‘Awe NO’ lo ta un proyecto sostenibel, y lo tin un influencia positivo pa e bienestar di comunidad di Aruba.
E reto no ta pa hende cu tin un adiccion pisa. E ta pa hende cu ta tuma e challenge aki na serio y ta bisa di nan mes cu nan por cuminsa baha man na e mal custumber. Despues di e 40 dia nos ta kere cu esun cu ta participa lo mira cambionan positivo dor di abstinencia. Y cu esaki nan lo dicidi pa baha man completo den futuro.
E 40 dianan lo cuminsa di diaranson 14 di februari te cu diadomingo 25 di maart 2018.
Boso por share libremente cu nos con boso reto ta bayendo. Manda nos boso experencia of potret kico abo ta haciendo pa logra e 40 dianan uzando#aweno.
F.A.D.A. kier desea tur e participantenan hopi exito y ban pe!