Oranjestad – Diaranson atardi Vocero policial Señor Lito Laclé a duna Prensa e siguiente relato, relaciona cu dos caso straño cu Polis Maritimo a haya.
“Caso 1
Dia 22 december mas o menos 0900 am Maritiem ta hanja un melding di un diveboat local cu e la spot un boto stranjo registration venezolano cu 3 persona na bordo ongeveer 1 milia pabao di Arashi. Nan tawata hasi signal cu nan man direction di e diveboat. Maritiem a bai ter plaatse y berdad a hanja un boto ongeveer di 27 pia registration Venezolano AMMT-1696 nomber “Polaris” cu 3 persona venezolano. Maritiem a constata cu e persona nan aki tawata den un situation poco fastioso. Nan a declara cu nan tin mas di 1 dia sin come. Nan a declara cu nan a sali 21 dec atardi for di punto fiyo pa hiba e boto puerto cabello Venezuela. A bira scur na caminda y nan a navega direction noord. Nan punto di referencia tawata e lighthouse di punta macoya. Door cu no tawata tin coriente na Venezuela e lighthouse no tawata traha. Nan a sigui bin noord. Nan a pasa e tanker nan entre Aruba cu Venezuela. E momento ey nan a waak un luz di faro lew. Nan a kere esey ta nan punto di referencia y a sigui navega direction e luz. Nan a navega full anochi ora mainta a habri nan a waak tera pero nan no tawata sa unda nan ta. E momento ey e boto a hanja problema pa falta di gear oil. Nan a tira anker y warda ayudo. Maritiem polis a bin cu nan waf di playa pa hasi tur control y duna nan e ayudo neccesario. Maritiem a duna nan cuminda y gear oil pa e boto. Personal di immigracion a scan tur documento y a resulta cu emberdad ni e boto ni e 3 hende nan nunca a bin Aruba. Immigracion a klaar nan in. Maritiem a companja nan pa waf di barcadera y pa e mesun dia 22 dec pa 3 pm despues di regla tur nan documento nan y e boto nan a sigui nan caminda pa Venezuela. Ta trata di:
M.J. RUIZ VEGAS
D.O.VEGAS FALCONI
J.A.BENTREDAL”
“Caso 2 (diaranson mainta)
Awe mainta 27 dec pa mas o menos 07:30 am Central di polis ta hanja un melding di piscado nan na Hadicurari cu un boto di piscado local lo a hanja un guy latino riba un surfplank basta lew pabao di Aruba ta drief. E guy tawata tin un boei na su curpa y 2 bulto blanco grandi. E piscado a trece tera y a jama polis. Pa ora nan a jega tera e guy no a warda y a sali bai dibiaha. Ningun hende no a wante y pa ora polis a jega nan a hanja solamente su surfplank. Si un hende por a waak algo of sa ken ta e piscado local cu a trece tera por jama Maritiem polis na 5975125 pa info”.