ORANJESTAD, Aruba – Paranda di Balashi a inicia dia 13 di October y pa 10 diabierna tur hende por a disfruta di e productonan di Balashi pero tambe di e canticanan di e bandanan. Diabierna awo dia 15 di December ta e ultimo Paranda di Balashi y e evento aki lo ta grandi cu 3 banda y Metropolis.
Diabierna dia 8 di December e ambiente di Paranda di Balashi tabata na Zeerover, unda cu hopi persona a yega pa asina disfruta di e anochi aki. Pa 7:00pm e ambiente fenomenal ta cuminsa, unda cu Robert Jeandor y su solo banda show hunto cu Metropolis a pone ambiente. Esunnan presente a baila y disfruta di e anochi aki unda cu nan no kier a bay cas despues cu Paranda di Balashi a termina.
Diabierna dia 15 di December lo tuma luga e ultimo edicion di Paranda di Balashi pa aña 2017 y e ambiente lo cuminsa desde 7:00pm na Urataca Center. E anochi aki e bandanan Grupo di Betico, Rincon Boyz y Robert Jeandor y su solo banda show lo ta hunto cu Metropolis pa pone tur hende disfruta di e ambiente.
Balashi ta invita tur hende pa bin disfruta di e anochi aki cumprando productonan di Balashi. Yega Urataca Center y bin disfruta di e productonan di Balashi cu prijsnan special.