Home Local Empleado di aña ta Rachel Jansen di interieurverzorging OK Hospital a...

Empleado di aña ta Rachel Jansen di interieurverzorging OK Hospital a tene cena di Pasco den gran forma

SHARE

ORANJESTAD, Aruba – Tur aña hospital ta tene nan cena di Pasco p’e empleadonan y un biaha mas nan a yega hunto na Renaissance Convention Center. Desde oranan trempan empleadonan a cuminsa yega pa disfruta di e anochi mahestuoso. E aña aki nan a kibra record pa loke ta e cantidad di empleadonan y na introducido presente, unda cu un total di 875 persona a presenta na e fiesta di hospital di cual 570 tabata empleado y e demas tabata acompañante.

Empleadonan di diferente departamento a presenta na e cena y por a mira e empleadonan bunita bisti y contento. Esey ta duna un sentimento cu nan ta contento con e aña a bay y ta cla pa e retonan cu lo por presenta na 2018.

Director di Cuido Medico, sr. Ezzard Cilié tabata contento di a mira asina tanto hende presente. El a duna di conoce cu e importante ta e cuido cu ta duna e pashentnan y na mes momento a pidi un fuerte aplauso pa cada empleado cu ta haci e cuido medico posibel.

E momento special durante 2017 pa hospital ta cu despues di 40 aña, nan ta muda pa un edificio nobo. Hopi a pasa den ehercicio unda empleadonan a haya training riba e loke ta patientexperience, asina Cilié a duna di conoce. Na cualkier momento cu un empleado di hospital por haci un gracia na un pashent, haci esaki pa asina e pashent Sali contento y saludabel. Ni por keda sin menciona cu na 2017 tambe Hospital a intrioduci e logo nobo cu ta duna e sentimento di “this is us.”

Charlaine Alexander-Huntington, Manager di e Departamento di Comunicacion, a duna di conoce cu durante aña tur luna nan ta saca un empleado di luna. Durante e ultimo simannan empleadonan mes por a pasa y vota pa un di e empleadonan di luna awo sali empleado di aña 2017. E empleado di aña a keda den persona di Rachel Jansen di e parti di interieurverzorging di Operatie Kamer, cu tabata empleado di luna di augustus. Sr. Theo de Kool y sr. Ezzard Cilié a entrega Rachel Jansen su regalo, cu tabata masha entusiasma p’e logro aki y a gradici tur esunnan cu a vota pe.

A saca e doorprize y e ganadonan tabata Debora Laclé di LABHOH cu a gana lunch pa 2 persona na Aquarius Restaurant, Sue-Ann Luidens di Cafetaria cu a gana lunch pa dos persona na Aquarius Restaurant, Zennon Croes di Radiologia cu a gana pa 2 persona na Aquarius Restaurant, Seinchi di Dialyse a gana dinner pa 2 persona na L.G. Smith Steakhouse y Romeo Kock di dialyse a gana un “Weekend stay” na Renaissance Aruba Resort & Casino.

Empleadonan a disfruta di e repertorio di Buleria, a subi pista y no kier a baha. Tambe empleadonan a saca potret na yegada na e backdrop di Hospital y paden tabatin un area unda tambe por a saca potret. Tur hende tabata contento di a reuni hunto pa asina disfruta di nan cena di Pasco y na final di anochi den ambiente di carnaval a bay cas contento y cla pa 2018!