Marcha silencioso pa Rishandroh y su ruman Eugene lo tuma lugar awetardi na San Nicolas

San Nicolas: E marcha cu na prome instante lo mester a tuma lugar awe tardi saliendo for di Banco di Caribe den Vondellaan pa Neptaly Park NO ta bay door.

Famia a pidi encarecidamente pa tene e marcha aki na San Nicolas, y e lo sali pa 5’or di awetardi for di Makro Supermarket pa Joe Laveist.

Pa tur claridad no tin un marcha na Oranjestad pero na San Nicolas, e marcha silencioso ta pa Rishandroh y su ruman Eugene cu ainda ta perdi y den nomber di tur mucha cu a yega di wordo abusa of maltrata.  Ban mustra cu abuso di mucha ta asunto di full un comunidad, ken cu mira algo mester haci of bisa algo y raporte mesora, haciendo esaki por scapa bida di un mucha.