New York: Un pareha a wordo haya culpabel di a abusa sexualmente di un baby mucha muher di 17 luna. E pareha tabata babysit e criatura ora su mayornan no ta na cas y nan tabata abusa sexualmente di e criatura y tabata filma esaki.
E pareha aki a babysit e mucha na november 2016 te 11 di Februari 2017. Segun e fiscal Justin Crandall di 28 aña, tabata usa e baby aki den actonan sexual y tabata filma esaki. Na cuminsamento di 2017, Justin a manda un filmacion pa un persona, cu un baby mucha muher envolvi den actonan sexual, e persona mesora a bati alarma y a bay polis cu e filmacion aki.
E mama di e baby a conta recherche cu su baby a cuminsa actua otro, den e temporada cu e abusonan a tuma lugar.
Segun Justin pa basta tempo e tin problema cu adiccion, e ta usa Crystal Meth y segun su persona ta e droga lo a conducie na haci esaki. E muher ta Jessica Crandall di 27 aña, ela declara cu e tambe na varios ocasion tabata envolvi den e actonan sexual cu e criatura.
Na April e aña aki e pareha a keda deteni, e juez cu a atende cu nan detencion, Juez David Peebles a yama e crimen aki un ” Barbaric Act”. Ambos tin un castigo di minimo 15 aña colga riba nan cabes, nan sentencia lo cay dia 23 di Februari 2018.