Oranjestad: Siman pasa, den oranan di anochi na un hotel den Oranjestad, asistencia di polis y ambulance a wordo pidi cu hopi urgencia, pa un cabayero Hulandes, cu lo tabata di remate y tabata actuando hopi straño, mesora polis y ambulance ta bay na e hotel.
Enberdad na yegada, nan ta topa cu e homber aki cu tabata hopi histerico y tabata actuando hopi straño, aparentemente e cabayero aki lo por ta sufriendo di un of otro enfermedad mental.
Personal di ambulance mester a dune un hangua di calmante pa e trankilisa y asina polis por a transporte pa warda di playa.
Na warda di playa nan a tuma contacto cu e psikiatra di PAAZ y ela informa nan cu actualmente na PAAZ no por tuma niun pashent, paso PAAZ ta satura cu pashent y no tin ni un lugar mas disponibel, a keda di mira ki solucion nan lo por a brinda e cabayero hulandes aki, cu probablemente lo tabata tin mester di ayudo psikiatrico.