Chauffeur ta hit and run na Santa Cruz y na Tanki Flip polis ta logra par’e

Tanki Flip: Diadomingo pa mas o menos 2’or y mey di marduga, riba e caminda di Santa Cruz, Chauffeur di un Chevrolet Aveo shinishi ta hit and run un Toyota Yaris Cora y ta sigui core.

Mesora e Chauffeur di e Toyota Yaris ta dicidi di sigui e Aveo y ta avisa polis cua direccion e auto tabata bayendo. Un poco pariba di e rotonde Tanki Flip un patruya di polis ta logra para e Aveo.

E agentenan a nota cu e chauffeur di e Aveo tabata bou influencia y e papelnan di e auto no tabata na ordo. E chauffeur di e Aveo a keda deteni y transporta pa warda di polis.