E actor ganador di Oscar Gene Hackman y su casa parce tawata morto ” ya pa un tempo ” ora cu e pareha y nan cacho a ser haya diaranson atardi na nan cas na e estado Mericano di New Mexico, polis ta bisa.
Hackman, di 95 aña, a ser descubri den un camber banda di e cushina den e cas na Santa Fe, mientras cu su casa Betsy Arakawa, pianista clasico di 65 aña, a ser haya den un baño.
Autoridadnan no a reporta señal di herida, pero a considera cu e mortonan tabata “suficiente sospechoso” pa investiga nan y no a descarta cu lo por ta un trata di un crimen. No a duna ningun causa di morto te awor.
“26 di februari 2025, pa mas o menos 1:45 p.m, polisnan di Sheriff di Santa Fe County a ser manda na un adres na Old Sunset Trail na Hyde Park, caminda Gene Hackman, su casa Betsy Arakawa y un cacho a ser haña morto”, segun e departamento di polis.
Durante un conferencia di prensa diaranson atardi, sheriff Adam Mendoza a bisa: “Ta parce cu nan tin bastante tempo morto, y mi no kier trata na specula cuanto tempo.
Un sheriff detective cu a responde na e escena a bisa cu nan ta kere cu e pareha tabata morto ya pa algun tempo caba, pa motibo di “descomposicion” y “momificacion” di Sra.Arakawa na man y pia.
“E homber(Hackman) tambe a mustra señalnan evidente di morto, similar y consistente cu e morto di su casa”.
Serca di e cabes di Sra.Arakawa tabatin un portable heater, cu e detective a determina cu por a cay abruptamente momento cu e señora a cay.
Un boter di pilder a wordo haya gespart ariba un mesa den baño. E pareha su cacho un German Shepherd a ser hañá morto den e closet di e baño cerca di e casa di Hackman.
Hackman a ser haya bisti cu trainingspak shinishi, un flanel manga largo color blauw y sandalia brun. Bril di solo y un baston pa cana banda di su curpa.
Detectivenan ta sospecha cu Hackman a cay di golpi.
E circumstancianan di nan morto ta “di naturalesa suficientemente sospechoso y ta rekeri un investigacion rigoroso”, pasobra e persona cu a yama e servicionan di emergencia a haya e porta principal di e propiedad habri.
Y detectivenan no a haya nada cu ta indica cu e portanan lo a wordo forsa pa drenta.
Tur cos tawata na nan luga y no ta mustra cu algo a ser movi.
Otro 2 cacho full bon tambe a ser haya na e residencia coriendo paden y pafo.
