San Juan, Puerto Rico: Dialuna e artistanan grandi, Ricky Martin, Chayanne, Luis Fonsi y Nicky Jam, a tuma un avion cu destino San Juan, pa asina personalmente por entrega un suma di placa cu nan a recauda den e ultimo simannan pa yuda e damnificadonan. E artistanan a publica un potret di nan tur hunto riba nan instagram,
E cantante Chayanne a mustra su precupacion pa e situacion cu Puerto Rico ta pasando aden, despues di e dos horcannan devastador, Irma y maria. Via su cuenta di instagram ela mustra su precupacion pa e habitantenan di Puerto Rico, pa e casnan cu a keda afecta, cu a desaparece door di e inundacionnan of hopi di esnan cu a keda sin awa of coriente. Ela scirbi riba su Instagram lo siguiente: ” Mi gente bonita de Puerto Rico no estan solos. ¡En la unión está la fuerza! Vamos a salir de esta!”
Chayanne a recauda fondo pa cubri e gastonan di transportacion di articulonan di cominda cu nan a colecta na Florida. Su contribucion lo wordo usa especificamente pa transporte y distrubicion na e isla y a priminti cu elo percura pa e ayudo aki, yega na esnan di mas mester den e comunidad puertoriqueño.
Ricky Martin a share e potret riba su rednan social, Ela lansa un plataforma pa recauda fondo. Ricky Martin a duna di su mes 100 mil dollar y den 5 dia ela logra cera mas di 400 mil dollar acerca.