Las Vegas-U.S.A
Todd R. Fasulo, asistente di e Departamento di Polis di Las Vegas, a bisa cu 23 arma a wordo haya den e camber di hotel y 19 a wordo descubri pafo di su cas na Mesquite Nevada.
Multiple armanan di capacidad halto a wordo haya den e camber di hotel, asina autoridad a bisa dialuna den oranan trempan.
Entre e armanan y municionnan haya den e camber di hotel usa pa Paddock tawata tin algun rifle di caliber y potencia halto, capas di penetra cualkier auto di polis bulletproof. Tambe tawata tin algun pistool den e camber.
E municion adicional cu a ser haya ta indica cu e tiroteo, cu a laga 59 morto atras y mas di 500 persona herida por tawata pio, si polis no a actua ora nan a hacie. Polis ta pensa cu Paddock mes a mata su mes.
Bentananan kibra, door di Paddock usa pa por a tira ariba e multitud.
Un funcionario a bisa cu Paddock tawata tin camara ge-set den e camber, tawata parse pa graba su mes.
” Paddock tawata un cliente di nos y a yega di cumpra diferente arma den nos tienda, sin embargo, semper nos a verifica su antecedente nan y semper nos a siguie proceduranan normal, manera e ta wordo prescribi pa ley local, estatal y federal. Nunca ela duna e indicaccion of rason cu e no tawata stabiel of apto den niun momento, y actualmente nos ta cooperando cu e investigacion di parti autoridadnan local y federal den tur manera cu nos por”, asina Sullivan a bisa.
Guns & Guitars, Inc , ta bende armanan semi automatico pero no armanan completamente automatico.