Den medio di e crisis politico venezolano provoca pa e regimen di Maduro despues di e eleccion di 28 di juli, e senadornan mericano Rick Scott y Marco Rubio a presenta diahuebs un proyecto di ley pa aumenta e recompensa pa Nicolás Maduro na 100 miyon dollar.
Asina ta spera cu e ley aki lo aumenta e suma maximo di recompensa di 15 miyon dollar pa un maximo di 100 miyon dollar, pa informacion cu ta conduci na e detencion y condena di Nicolás Maduro.
“E recompensa lo wordo paga pa gobierno federal usando bienes confisca cu ya ta wordo reteni for di Maduro, funcionarionan di e regimen di Maduro y nan co – conspiradornan, no fondo di e pagadonan di belasting”, a indica senador Rick Scott, un di e autornan di e iniciativa.
“A yega na e momento cu Venezuela ta liber di e regimen ilegitimo di dictador Nicolás Maduro. Durante añanan, mi a urgi e administracion Biden-Harris pa pone e peso completo di gobierno federal pa pone un fin na e regimen di Maduro, pero e la nenga y a continua cu su fayo trankil cu solamente a enrikece y encurasha Maduro y su marionetanan na Cuba a costo di e pueblo venezolano”, congresista Scott a bisa.
Marco Rubio a bisa cu ‘ Merca mester haci mas pa detene e narco-dictador Nicolás Maduro. Mi a pidi Interpol pa emiti un alerta cora pa facilita esaki y e ley aki ta basa riba e peticion aki door di aumenta e recompensa pa detencion di Maduro na $100 miyon”.