E rij di cuminda pa baby di supermercadonan na Merca ta yen di cuminda no nutritivo cu ta contene demasiado sucu y salo y declaracion di mercadeo falso, segun un estudio nobo obteni.
Sesenta porciento di e 651 cuminda cu ta ser mercadea pa mucha di 6 pa 36 luna riba e rekinan di 10 supermercadonan na Merca no ta cumpli cu e reglanan nutricional recomenda pa Organizacion Mundial Di Salud(WHO) pa alimento pa baby y mucha chikito. Segun e estudio, cu a wordo publica e luna aki den e peer-reviewed journal Nutrients.
Practicamente niun di e cumindanan no a cumpli cu tur e standardnan di publicidad di WHO, cu ta enfoca riba un label duidelijk di e ingredientenan y declaracionan di propiedadnan saludabel exacto.
Sweetenernan añadi den e pakinan di cuminda pa mucha
E demanda creciente ta comprendibel, ya cu e facilidad y conveniencia di pakinan chikito por haci nan irresistibel pa mayornan y zorgverleners, Dr. Mark Corkins, Presidente Talentoso di St.Jude pa excelencia den Gastroenterologia Pediatrico na Le Bonheur Childern’s Hospital di Universidad di Tennessee na Memphis. E no a participa na e estudio nobo.
“E pakinan aki ta hopi preocupante”, segun Corkins, kende tambe ta presidente di e Comite di Nutricion di e Academia Americano di Pediatria.
“E muchanan mester siña kauw, p’esei nan mester come fruta regular, y no puree zoet den un paki”, e la bisa. “Hopi biaha e mixnan aki no ta
natural y ta hopi mas dushi cu un fruta real, p’esei e mucha ta siña cu ta cos superdushi(zoet) so e mester come.
Despues tin e tema di textura(solido), cu mester siña na un edad critico Corkins a agregá.
“Nos ta bisa mayornan pa gradualmente aumenta e textura di cuminda durante introduccion pa cuminda real entre 6 luna y 1 aña”, Corkins a bisa. “si e no expone e muchanan na un variedad di texturanan cu nan por kauw mas durante e periodo critico, nan por desaroya un disgusto pa textura y lo rechaza tur cos cu no ta cuminda suave y puree.
E marcanan no a wordo menciona den e estudio aki. Aki na Aruba nos ta haya un gran variedad di productonan pa baby y mucha chikito procedente di Merca, pues muy probablemente nos tambe tin e articulonan aki ariba shelvnan den supermercadonan.