Luis Almagro a informa cu e lo pidi CPI(Corte Penal Internacional) pa emiti un orden di captura contra Nicolás Maduro
Luis Almagro, secretario general di E Organizacion Di Estadonan Americano (OEA), a anuncia dia 31 di juli cu e lo pidi Corte Penal Internacional (CPI) un orden di captura contra Nicolás Maduro.
E representante a splica cu e la tuma e desicion pa e casonan di violacion di derechonan humano y persecusion registra durante y despues di e eleccion presidensial di 28 di juli y cu nan a keda denuncia pa e mission di Deteminacion di Echonan di Nacionnan Uni (ONU).
“Ta raro cu un organismo electoral no tin e actonan. E tema ta cu nan ta costa bida. (.) Cuantu tempo mas nos ta bai duna nan pa e actonan aparese?, Almagro a bisa durante e sesion di e organisacion interamericano.
E Conseho Permanente di OEA no a aproba su resolucion den rechaza di e situacion politico na Venezuela despues di e eleccionnan den e pais. E acuerdo tabata busca pa fija posicion y exigi autoridadnan Venezolano pa haci publico e actonan di votacion pa finalmente dicidi si e ganador tabata Nicolás Maduro manera a proclama e Consejo Nacional Electoral (cne).
OEA a indica cu CNE a declara como ganador ” Nicolás Maduro “sin duna e detaye di e mesa procesa y sin publica e actonan”.