Sero Pita – Diasabra den oranan di merdia un biaha e crusada conoci ja Sero Pita ta bira scenario di un accidente pisa.
E accidente aki no ta diferencia di e otronan, debi cu cada biaha ta e mesun cos ta pasa, esta cu un chauffeur pa un of otro motibo ta lepia y ta subi e caminda sin pone atencion.
Polis ta yega y ta topa cu dos vehiculo cu bastante daño material. Tawata trata di un Hyundai Elantra y un Toyota Prado. Den e ultimo aki ta unda e heridonan tawata.
Ta asina cu segun nos por a compronde e Prado color berde a subi e crusada y no a duna preferencia na e Elantra biniendo di zuid cu velocidad halto.
Debi na e impacto fuerte, un criatura(6) ta esun cu lo a resulta seriamente herida. No ta conoci si e lo por tawata sinta unda e impacto inicial a sosode.
Varios unidad di Ambulance a yega e sitio pa duna asistencia, e criatura no tawata reacciona y lo a wordo transporta pa Hospitaal hunto cu su mama cu tawata seriamente herida na cara.
Mirando e seriedad di e accidente aki, a solicita pa departamento tecnico di polis pa tuma fotonan strategico y conduci e investigacion cu departamento di trafico.
Caminda a keda cera pa basta ora, tanto pa investigacion y despues pa takelwagen move ambos auto di caminda.
Segun ultimo informe, criatura ta stabiel pero a ricibi un hersenschudding serio, tambe e mama di e mucha ta ok. Pues ambos ta stabil.
