Tarabana, Fiyostraat: Diasabra algo pasa di 4′ or di marduga, team di aresto, ministerio publico y un team di recherche ta haci un entrada hudicial na dos cas den fiyostraat.
Shete sospechoso deteni
E Team di aresto ta yega prome y ta kibra e porta di casnan bay paden, mesora nan a detene na un cas 5 sospechoso y na un otro cas dos homber sospechoso di inicial I.H. y e otro S, ambos ta conoci di polis. Segun informacionnan haya na e sitio entre e 7 detenidonan tin 3 cu lo ta local y e otronan lo ta di nacionalidad venezolano, tambe un dama a keda deteni, pero den oranan di mainta a wordo laga den libertad
Buskeda rigoroso den e casnan
Despues di a detene e sospechosonan a inicia un buskeda rigoroso den e casnan, durante e buskeda na un di e casnan un persona lo a bira malo y a pidi pa presencia di ambulance. E buskeda a continua te den oranan trempan di mainta.
Atraco y of mas investigacionnan andando
Aparentemente lo por ta trata di sospechosonan den casonan di un of mas atraco recientemente cometi, y of tambe pa diferente investigacionnan andando. No ta descarta e posibilidad cu den dianan nos dilanti mas detencion lo por cay.