Colombia ta na candela. Den apenas 24 dia den e luna di Januari a presenta na e pais 671 candela, segun cifranan di Direccion Nacional di Bomberonan di Colombia. Y henter e teritorio nacional ta den emergencia.
Segun un boletin di alerta di Ideam, 952 municipio ta den alerta pa posibel aparicion di candelanan di mondi, loke ta nifica cu mas di 86 porciento ta bao alerta. Di e total aki, 586 ta den alerta cora.
E situacion ta mas grave na Antioquia, Santander, Córdoba, Boyacá y Valle del Cauca, cu tabata e departamentonan mas afecta pa e candelanan den transcurso di e aña aki. Sinembargo, tabata mas visibel den zonanan manera Cundinamarca of Bogotá.
Relaciona cu esaki, e Gobierno central a dicidi tuma medidanan frente na loke a califica di “incapacidad” di e gobernantenan teritorial. ‘
E presidente Gustavo Petro a emiti un decreto di desaster natural pa movilisa recursonan, manera a wordo haci den e temporada di awacero aña pasa.