Huma marihuana ta aumenta risico di problemanan cardiaco

PHILADELPHIA: E adultonan mayor cu no ta huma tabaco, pero cu si ta consumi marihuana tin un risico mayor di sufri un atake cardiaco y un atake cerebral ora nan ta hospitalisa, mientras cu e personanan cu ta consumi marihuana regularmente tin 34% mas probabilidad di desaroya insuficiencia cardiaco, segun dos estudionan nobo no publica ainda, pero cu wordo presenta e siman aki durante e sesionnan cientifico di e Asociacion Mericano di Curason (American Heart Association- AHA), na Philadelphia.
AHA ta aconseha e personanan pa abstene di huma of vape cualkier substancia, inclui e productonan di cannabis esaki pa e posibel daño na curason y adernan.