Chinesnan a desaroya un bateria cu ta charge e telefon te cu 90% den 10 minuut

CHINA: Un team di cientificonan chines a desaroya un sorto di bateria di ions di lithium cu por alcansa 90% di capacidad di carga di un telefon celular den solamente 10 minuut.

E bateria ta a base di graphite y tin un laag fini di fosforo den su superficie, cu por bira den un interfaz solido cu un conductividad halto, esaki segun un estudio publica recientemente den e revista cientifico ‘Nature Energy’.

E investigadornan, di Universidad di Ciencia y Tecnologia di Huazhong, situa en e ciudad chines di Wuhan, a descubri cu e bateria aki a base di graphite a ‘recharge’ 80% den 6 minuut y 91.2% den 10 minuut.