Na 2021, 46,3 miyon mericano mayor di 12 aña tabata adicto na alcohol of na droganan manera opioids y e estimulantenan. Awor, e cientificonan ta studiando un terapia prometedo y sorprendentemente familiar cu por yuda restablece e cerebro y frena e ansianan di e adiccion.
E tratamento ta consisti den ultrasonidonan (MRI) focaliza di intensidad abao of LIFU, un terapia d estimulacion cerebral no invasivo.
Investigadornan di Universidad di Virginia ta realizando e prome estudio piloto pa evalua e eficacia di e ultrasonidonan den e tratamento di e trastorno pa consumo di cocaina.
Eynan cerca, den e Facultad di Medicina di Universidad di Virginia Occidental, ta estudiando e ultrasonidonan pa trata principalmente e trastorno pa consumo di opioids, pero tambe e adiccion na un serie di sustancianan, manera e deseo di e pashentnan di consumi varios sustancia, entre nan alcohol, cannabis, methamphetamine y cocaina.
E prome resultadonan den algun pashent ta prometedor, pero lo mester di mas investigacion. “E aspecto mas impresionante ta e posibilidad di produci cambionan c’un tratamento di entre 10 y 20 minuut”, asina a duna di conoce James Mahoney, neuropsicologo clinico di Universidad di Virginia Occidental cu ta colabora den e investigacion.