Joshua Klabér, Chiara Petrocchi, Záhyon Klabér y Charrick Winterdaal lo representa Aruba na e Pan Americano di Taekwondo na Costa Rica.

Aruba por ta orguyoso di por tin un team di 4 atleta cu ta bay representa Aruba na e Pan Americano di Cadet y Junior na San Jose Costa Rica e 

dianan 28-30 di Augustus. Un team cu a prepara na Korea y Colombia. E team a train cu atletanan di un nivel un tiki mas halto cu esun di nos. 

Esaki ta netamente locual cu nan tin mester pa nan por sigui crece y bira miho atleta den futuro. Aruba ta conta cu presentacion di un team cu ta 

pone e bandera di Aruba na halto pa un paar di aña caba.

E atletanan cu lo representa Aruba na e Pan Americano ta:

1. Joshua Klabér -37 kilo Cadet, lo bringa dia 31 di Augustus.
2. Chiara Petrocchi -49 kilo Junior, lo bringa dia 31 di Augustus.
3. Záhyon Klabér -63 kilo Junior, lo bringa dia 31 di Augustus.
4. Charrick Winterdaal -68 kilo Junior, lo bringa dia 29 di Augustus.

Presidente di Aruba Taekwondo Bond “ARTBO” Dr. Guaicaipuro Jimenez ta hopi contento di mira cu Taekwondo di Aruba ta sobresali y crece dia pa dia. 

Esaki ta danki na e plan cu ARTBO y su miembronan ta siguiendo pa asina e atletanan por sigui crece. ARTBO ta gradici Lotto pa Deporte pa e sosten 

brinda pa asina e team por realisa e biahe aki pa representa Aruba debidamente na e Pan Americano. ARTBO tin confiansa den e team aki cu sigur lo 

trece medaya pa Aruba for di Costa Rica.