Parlamentario y lider di fraccion Raiz, Misha Raymond, ta elabora riba
su bishita na Hulanda unda a atende e reunionnan di IPKO
(Interparlementair Koninkrijksoverleg) y unda tambe a reuni cu varios
grupo di studiante Arubiano.
E reunionann di IPKO a tuma luga na Hulanda durante e prome siman di juni
2023. Parlamentario y lider di fraccion Raiz, Misha Raymond, a atende e
esakinan na unda a toca varios topico durante e reunionnan manera
cambionan climatico cu ta afecta islanan den Reino. Tambe a debati riba con
lo atende cu e pasado di sclavitud, con lo sigui trata esaki den futuro den
Reino, y kico lo sigui despues di e depensa di Prome Minister di Hulanda
Mark Rutte, pa cu e pasado aki y e rol cu Hulanda a hunga.
Un di e topiconan cu a hala atencion di Misha ta esun unda e Ombudsman di
Hulanda a presenta un update di e rapport cu ta ilustra e problemanan cu
studiantenan di Aruba, y islanan den Reino, ta encontra ora di bay studia na
Hulanda. E Ombudsman a duna di conose cu un cantidad di e studiantenan
ta indica cu nan ta sufri di problemanan di salud mental pero cu nan no ta
sinti cu un profesional aki na Hulanda lo compronde nan paso di e diferencia
di idioma y cultura. Pa e motibo aki despues di IPKO, Misha a organisa
encuentronan cu varios grupo di studiante na Hulanda, pa haya feedback
directo di nan, pa wak kico ta biba bou di nan, pa cu nan salud mental.