ORANJESTAD, Aruba: E campaña di The Clash of the Kings di Burger King y Coca Cola a termina. E campaña aki a brinda un persona e oportunidad pa gana un ticket pa asina bay mira e wega di El Clasico na Miami. Clientenan tabatin e oportunidad pa participa pa bay experencia e partido entre Barcelona y Real Madrid dia 29 di Juli. Durante un luna largo clientenan tabata tin e oportunidad pa ricibi coupon cu cada compra di 25 florin.
E participacion tabata grandi unda cu hopi persona kier a bira e ganado pa presencia e wega di nan team preferi. Diabierna ultimo Burger King y Coca Cola a yama e ganadonan di e prome y segundo premio. Lev Varela di Burger King a sorprende Jesus Thode ora di a yam’e y bis’e cu e ta e ganado di campaña. Jesus Thode a keda sorprendi y no por a contene su felicidad. Jesus Thode hunto cu 1 persona mas lo bay mira Barcelona enfrenta Real Madrid dia 29 di Juli na Miami, cual ta un trip cu ta pa 4 anochi y tambe nan lo ricibi $500 cash.
Ganado di e segundo premio tabata Theo Geerman, kende a gana un gift certificate di Awg. 500. Theo Geerman por haci uzo di e gift certificate na Adidas y Mario Sportshop, unda cu e por cumpra e articulo di su gusto. Tropical Bottling ta felicita ambos ganado y pa Jesus Thode disfruta di e wega di El Clasico.