Home Uncategorized Polis a kita Altezza cu tawata core iresponsabel

Polis a kita Altezza cu tawata core iresponsabel

SHARE

Dadelstraat – Diaranson mainta e Altezza blanco aki, lo tawata coriendo na un manera basta iresponsabel den Avenida Milo Croes.
Momento cu polis a bay pa stop e, e no a sigui ordo di polis y a primi gasolin bay.

Aki a cuminsa un persecucion, caminda cu e auto aki ta bay den Dakota y ta drenta Tarabana bieu, Antiguaweg. Eyden e ta dal un cura di cas y benta esaki abou.

Despues e ta sigui y drenta Dadelstraat caminda cu ariba e crusada di Patiastraat e ta para.
E chauffeur no tin rijbewijs y niun otro papel di e auto tawata ordo.
Pues polis a laga takel e auto y te ora cu tur papel ta na ordo e lo haya e auto bek.
Esaki ta sin conta e cura di cas cu ela destrui, cu mester wordo drecha.