Frecuentemente tin diferente caso di problema social ta sosode, unda cu cuerpo policial ta wordo yama pa asistencia na e momento di suceso. Den un situacion cu tin di haber cu problema social, locual un agente policial por hasi ta interveni. Cu interveni ta hasi cu e situacion a wordo calma pa un momento, pero no cu e situacion a wordo resolvi. Cual cu ta hasi cu e oportunidad cu lo bay tin mester mas bez asistencia di cuerpo policial pa mesun un situacion ta grandi.
Hopi di e casonan cu problemanan social por wordo atendi di trempan y traha un programa pa tin un solucion, enbez di laga e situacion keda empeora. Pa medio di structura un maneho entre cuerpo policial cu departamento di asuntonan social, ta crea e oportunidad pa tin bista na unda y kico e situacion ta. E maneho pa jega na informacionnan por tuma lugar pa medio di un database den systema gubernamental, cu ambos depertamento tin acceso na dje.
Momento cu cuerpo policial wordo yama pa asistencia unda cu tin di haber cu problema social, cuerpo policial por traha un notacion den e database di locual cu a sosode.
Door di e database di biaha departamento di asuntonan social por tin un bista riba con frecuente cuerpo policial tin cu bay na mesun sitio y pa ki motibo. Por ehempel: si na un cas varios biaha ta wordo yama pa asistencia di cuerpo policial pa motibo di problema social, ta duna un indicacion cu e persona(nan) di e cas tin mester di ayudo social. Pa medio di e informacionnan den e database, departamento di asuntonan social por analisa y tin un bista di kico e situacion ta.
Pa medio di un maneho structura por traha un programa di biaha si tin mucha cu ta crece den un ambiente negativo. Door di structura un maneho por evita cu e mucha wordo desaroya unda cu e ambiente unda e ta bin ta biba aden tin influencia negativo riba su conducta. Na mes momento como gobierno bo ta formula un maneho un maneho preventivo cu problemanan social lo pasa di generacion pa otro generacion. Esta cu un mayor cu no tin un formacion social fuerte, lo hasi cu e lo no sa con pa duna su yui un miho formacion.
Pa medio di structura un maneho entre cuerpo policial y departamento di asunto social, lo percura cu e personan cu mester di ayudo social haya esaki mas rapido y efectivo. Alabez tambe ta crea un miho calidad di bida den comunidad unda cu e efecto di problemanan social lo wordo minimalisa, cual lo brinda trankilidad den barionan.