Palm Beach: Diadomingo den careda di 11 or y 50 di mainta, presencia di polis a wordo pidi na altura di un cas na Palm Beach, caminda cu a bin topa cu un Van Toyota Hiace, cu den oranan di mainta a wordo horta banda di Dijspie’s Place den caya Betico Croes.
Segun testigonan, na momento cu e persona cu tabata tras di stuur di e van a tuma un shortcut y e la nota cu e caminda a wordo condena cu baranca y e no por a sigui mas. E persona a dicidi di laga e van atras y sigui na pia. E la crusa e caminda pariba di Palm Beach Plaza y a cana bay direccion di e hotelnan .
E personan masculino aki a bay cu tur cos cu tabata tin den e auto, y a kita a e plaachi number di e van. Tambe den e van nan a bin topa cu varios articulo personal di e homber.
Varios unidad di polis entre otro unidad di k9 a cuminsa busca den e area di hotelnan, pa mira si nan lo por topa cu ne. No a dura mucho cu na Holiday Inn nan a bin topa cu e homber aki.
Aparentemente e la drenta den pool di e hotel y lo a pasa man tambe pa sunblock di turista y a usa esaki.
Polis a haya e homber aki cu varios articulo cu tabata tin den e auto riba dje. Polis a detene pa ladronicia di auto y transportwagen a hib’e warda di polis.
E van Toyota Hiace a keda confisca y cu takelwagen e la wordo hiba pa Warda di Polis na Santa Cruz.
