Paradera, Piedra Plat, Santa Cruz y Sabana Grandi:
Diabierna den oranan di atardi pa anochi, a tuma lugar un control riba negoshinan cu ta bende cuminda den area di Paradera, Piedra Plat y Santa Cruz, mayoria di establecimento tabata cumpli cu reglanan stipula pa DVG.
E controlnan aki a wordo haci pa un team special cu ta consiste di Polis y DVG. E biaha aki a toca turno na Paradera, Piedra Plat, Santa Cruz y Sabana Grandi etc.
Na Paradera a cera Paradera Snack pa falta di carchi berde, tambe na Paradera a cera e conocido bar restaurant Chines, Great Rich. Na Great Rich Bar Restaurant a bin topa cu trahado sin carchi berde y e establecimento no tabata limpi, pues e lugar no tabata cumpli cu e reglanan di higiena.
Na Piedra Plat a controla e bar Recuerdos de Ella, esaki tambe no tabata cumpli cu e reglanan stipula, trahado ilegal y sin carchi berde, Recuerdos de Ella a wordo cera mesora.
Durante e control na Santa Cruz, Gordo Take Away a wordo cera pa motibo cu e trahado no tabata tin carchi berde.
Na Sabana Grandi, nan a controla La Sabana Bar Restaurant, e tambe a wordo cera pa varios motibo, un di nan tabata pa falta di higiena, trahadonan sin carchi berde y nan no tabata tin un restaurant vergunning.
Tur e cinco luga nan aki a wordo cera pa 48 ora y lo por habri bek te ora cu e establecimentonan aki por cumpli cu e reglanan di higiena, trahadonan legal y cu carchi berde y tambe vergunningnan valido.
E controlnan riba establecimentonan cu ta bende cuminda lo sigui den e dianan nos dilanti den diferente bario. Si bo tin un negoshi cu ta bende cuminda percura pa bo tin tur documento na ordo y bo negoshi limpi. Pa na momento cu nan pasa controla e no wordo cera