Home Police Motociclista herida den accidente ariba Green Corridor, brommer a bay cay 100...

Motociclista herida den accidente ariba Green Corridor, brommer a bay cay 100 meter mas leu

SHARE
Wayaca/Green Corridor
Diasabra den careda di 12’or y 40 di marduga a sosode un accidente serio riba Green Corridor na altura di Wayaca Falls.

Na prome instante a bisa cu ta trata di un accident den cual un motociclista su so lo a accidenta.

E motociclista tabata riba un brommer Hayabuza color preto MFA 915. E motociclista lo a keda seriamente herida y tawata ariba caminda drumi na banda di e muraya cu ta separa e corridor.

Na e sitio a resulta cu un Kia Rio maneha pa un cabayero tambe tabata envolvi den e accidente.

Aparentemente e motociclista lo tabata coriendo cu velocidad hopi halto y a dal contra e Kia Rio Shinishi pa despues perde control y cay, unda cu e brommer mes debi na e velocidad halto a sigui lastra un 100 meter bay mas pariba.

Polis a yega hopi lihe na e sitio y mesora a pidi pa presencia di ambulance cu hopi urgencia. Tambe polis a cera e caminda for di e rotonde di Airport pa rotonde Mahuma. Rapid responder di ambulance a yega prome y despues di un rato un ambulance a yega na e sitio.

E paramediconan despues di a trata e motociclista na e sitio, a transporte pa hospitaal e tawata na tino ora e la wordo hiba.