Rooi Afo – Diahuebs atardi rond di 4’or polis di Playa a compaña un ciudadano, unda cu e lo a haya unda un Kayak cu a wordo horta 2 luna atras ta.
A yega y puntra cuanto ta bende e Kayak
Na e sitio Arubanative.com a papia cu e ciudadano y e la conta lo siguiente, e dama a yega y puntra pa Kayak cu a wordo poni ariba pagina social cu ta bende cos.
E la puntra e homber cu no ta papia papiamento si ta di dje e Kayak ta, e homber mesora a contesta cu si.
“E Kayak aki ta di mi ruman”
E ciudadano a bisa e homber cu e Kayak aki ta horta dos luna pasa.
Reaccion di e homber tawata ” a wel bay cu ne”, pero ya polis tawata eynan caba y a bay over na detene e homber pa heling.
Segun nos a compronde dos luna pasa e Kayak aki a wordo horta y aparentemente lo ta un Kayak unico busca di exterior.
Kiko a drenta e hendenan aki nan cabes pa pone pa bende ariba un pagina social di miles hende ta incomprendibel.
Transportwagen
Na yegada di e Transportwagen e homber a wordo treci y hinca den e auto y hiba pa warda di polis.
