Na Glasgow Schotland, dos wela a keda condena pa bendemento di droga y labamento di placa.
Glasgow, Schotland:
Na juni 2019, polis a drenta un cas na Glasgow Schotland, esaki durante un investigacion, relaciona cu bendemento di droga y labamento di placa. Na e cas autoridad a bin topa cu un cantidad grandi di cocaina y 51 mil pond sterling cash, cu ta equivalente na 69 mil dollars.
E señora Moira Robertson di 65 aña, durante e entrada hudicial a keda deteni riba sosopecho di bendemento di droga y labamento di placa.
Durante interogacion a bin sali na cla cu Moira a wordo introduci den e mundo aki door di su amiga Helen Wright di 67 aña. Door cu Helen su yiu tabata debe hendenan den baho mundo placa di droga. Helen tabata coopera cu nan pa asina yuda su yiu paga su debe di droga, na dado momento e la introduci su amiga Moira Robertson den e mundo di droga, cu e meta pa e yud’e y asina nan por caba mas lihe di paga e debe di droga. Helen Wright tambe a wordo deteni pa polis. Ambos dama den nan declaracion a confirma nan envolvimento.
Corte a haya ambos dama pensionado culpabel di posesion di droga y di labamento di placa. Ambos a bisa cu ta duelnan hopi loke nan a haci. Helen Wright a haya 20 luna di castigo di prison y Moira Robertson a haya 18 luna di castigo di prison.