Accidente entre Kia Rio y Suzuki Swift ariba caminda di Barcadera

Barcadera – Diadomingo den oranan di anochi a sosode un accidente basta fuerte poco mas pabou di WEB N.V

Aunke e tawata un accidente basta duro, ningun hende a resulta herida.
E autonan envolvi tawata un Kia Rio y Suzuki Swift.

E Kia Rio a ricibi hopi daño material y a bay pega den e mondi canto di caminda parti pazuid, mientras e Swift a keda pega den e mondi banda panort di caminda.

Por a mira ambos compania di seguro na e sitio. E Suzuki tawata tin daño material patras, un indicacion cu e Kia Rio a dal su tras.
Takelwagen mester a presenta pa bay cu e autonan.