Caya Frans Figaroa/ Kamay – Durante weekend nos a ricibi informacion di un motociclista hopi indigna.
Ariba e caminda cu ta dirigi pa pa Saliña Serca pasando Yen Yen bar restaurant tin un buraco memey caminda. E motociclista a dicidi pa contact nos y ta contento di ta na bida ainda.
E motociclista ariba su Harley bayendo zuid lo a dal den e parti kibra(buraco), cu tin simannan asina aki caba.
Pa e no cay herida su mes seriamente of te hasta bira algo fatal e la maniobra usando su pia. Esaki a resulta den un lesion, unda e la troce su pia malamente.
Ta haci un apelacion di curason na DOW pa regla e situacion peligroso aki, cu tambe a causa cu varios auto a dal masha duro mes den e buraco aki cu ta keda bira mas hundo.
Dreche mas rapido posibel y asina evita cu hende por herida nan mes seriamente y/of kibra nan brommer of auto.
