Tuscaloosa, Alabama, Merica:
Diabierna den careda di 6’or y mey di atardi, un hobencito tabata hungando riba su Ipad den su camber, na momento cu a tuma lugar un tiramento dilanti di su cas. E hobencito a wordo alcansa pa un bala perdi den su cabes y un rato despues a fayece.
E caso tristo aki ta bou investigacion y autoridad ta pensa cu e persona cu a los e tironan no tabata tine gemik pa tira e hobencito. Aparentementa ta un yobida di bala tabata tin dilanti di e cas. Polis local ta buscando mas testigo, pero no a logra detene niun persona ainda.
Segun polis e bala lo a pasa door di e bentana di camber y a alcansa e hobencito fatalmente.
Tuscaloosa Violent Crimes Unit a tuma e investigacion over y desde diasabra mainta autoridad ta pidi pa yudansa di e habitantenan pa localisa e sospechoso.
Segun e comandante di Violent Crimes Unit, varios persona di interes ta wordo busca, e investigacion ta andando y no por duna mas detayes na e momento nan aki.
