Parlamentario Endy Croes a splika cu recientemente tabata tin reunionnan di IPKO esta Interparlementair Koninkrijksoverleg unda Parlamentonan di Aruba, Curacao, St Maarten y Hulanda ta bini hunto y trata temanan di interes. Hulanda cu a organisa esaki y normalmente ta organisa esaki na Hulanda a escoge Bonaire pa nan organisa IKPO 2021 como cu na Den Haag nos a wordo splika tin renobacionnan tumando lugar den edificionan di gobierno. Den otro artikel nos lo amplia mas riba contenido di e reunion engeneral.
/// Un punto di agenda tabata elecion:
Un di e puntonan riba agenda di IPKO tabata elecionnan recien. Manera ta conosi Hulanda tabata tin elecion 17 di Maart mientras Corsow su elecion a tuma lugar 19 di maart y Aruba 25 di juni ultimo. Pues a escoge pa papia riba elecion engeneral durante covid 19 con cada pais a atende cu esaki y kiko por siña di otro pa por mehora esaki y hasie mas eficiente como cu tur elecion a tuma lugar mei mei di e pandemia. Hulanda por ehempel a escoge pa manda un total di 2 miyon carta y stembiljet pa hendenan di edad di 70 aña of mas grandi. Asina a duna nan protecion pa nan no mester a sali di cas of subi caya. E 2 miyon personanan aki di 70 aña of mas por a vota desde nan cas y regresa e stembiljet via post. Corswo por ehempel a sera un ora mas lat enbes di 7pm a sera 8 pm pa duna mas espacio pa evita rijnan largo. Aruba a duna un sugerencia di orario riba e carchi voto pa purba evita rijnan largo. Asina a intercambia pa mira kiko por siña di otro y kiko a funciona mihor cu otro pa por adapta pa futuro.
/// Dowers a hasi mahos y hasta yama su coleganan pa reserva:
Durante reunionnan aki Parlamentarionan di Hulanda, Corsow y St Maarten tabata puntra Parlamentarionan di Aruba “one on one”masha hopi riba e casonan di corupcion di AVP tanto IBIS di Paul Croes y di Benny Sevinger esta Avestruz ambos x ministernan di AVP. Nan no por kere cu Mike Eman nunka tabata sa nada. Nan ta haña e casonan aki masha “erg” y nan mes ta sinti berguensa pa un hende na sano huicio abusa di nan poder na manera aki. Style di gangster! Esey ta e palabra cu nan tabata usa. Mester a recordanan cu Mike Eman tambe ta bou investigacion di diferente transferencia di 50 mil dollar cu e mes a ricibi ta plakanan di mafiosonan grandi. Pues nan ta babuca di tur lokual nan tabata lesa pero kier a reconfirma cu tur lokual ta sali den prensa ta berdad. Nos a splikanan si pa duna husticia su chens pa cana su caminda y na final nos tur lo tin klaridad pero lokual hendenan aki di AVP a hasi ta dieptriest. Dowers sinembargo durante reunion a yora atrobe riba reconteo y tabata yora 53 votos cu segun Dowers den e 800 y pico votonan “ongeldig” tur ta di AVP. Bay ta soña lanta. Pues bay reunionnan di IPKO pa yora algo cu Hues imparcial a bari for di mesa te cu su propio persona a trek in e caso pa no bay mas Hoge Beroep paso e sa e resultado caba. Manera nan ta bisa na Hulandes Dowers ta “geen toegevoedge waarde” pa e reunionnan aki pa Aruba. Mas tristo ta cu den un deliberacion den presencia di Gerlien Croes y Rycond Santos do Nascimento Dowers a bira poko onsportief y a tira un palabra cu e dosnan ey ta reserve den AVP. Pues mandando un señal basta loud and clear pa e Parlamentarionan nobo di AVP. Esaki ta bisa hopi di su manera di pensa di su coleganan. Aunke no ta nos problema pero kisas doñonan di e partido corupto AVP por exigi Dowers pa corigi su mes ora ta papia publico riba plataforma internacional di su propio coleganan. Tambe ta bon cu nan mes tabata presente y nan mes a scuche pa no bisa cu hende ta lanta calumnia. Nos por a conclui cu AVP ta wordo rechasa masha hopi pa polticonan den Reino.