Paradera – Diadomingo Misa Santa Filomena a haya un sorpresa desagradabel, momento cu a mira cu algun beeld pafo di e Misa a wordo destrui.
Dilanti Misa Santa Filomena ta existi ya pa decadas un bulto di Birgen, y e tres muchanan cu e tawata aparece cerca nan.
Un of mas persona pa un of otro motibo desconoci a come e acto di destrui dos bulto. Esnan destrui ta bulto di e mucha muhenan.
E bulto di e mucho homber na rudia a wordo gespaar, pues sea nan no a haya chens di kibra esey of no tawata kier a kibra esey.
Algun siman atras mesun tipo di vandalismo a wordo cometi cu un bulto dilanti Misa Inmaculada Consepcion na Santa Cruz. Por mira mesun modus operandi
Esun di diadomigo na Parokia di Paradera a laga un tristesa pa esnan cu ta fiel bishitante di e Misa aki.
Rato rato parokianonan tawata yega pa mira cu tristesa e destruccion di algun imagen cu tin decadas eynan.
Locual nos por deduci di esun/esnan cu a haci e vandalismo aki, ta muy probabel enfermedad mental basta avansa y cu mester di ayudo urgentemente.
Lo ta bon pa otro Parokianan tuma nota di e vandalismonan y mesora pone camara di siguridad y luz prome e bati na nan porta.
