Ford Escort a pega na candela ariba Green Corridor

Oranjestad – Diabierna atardi pariba di e brug di Green Corridor polis a para e trafico un rato, momento cu un auto tawata na candela.

Bomberonan tawata yegadando na e sitio pa asina por combati e Ford Escort cu tawata bou di vlamnan grandi.

Segun e chauffeur algun rato prome e la tuma nota cu huma tawata sali for di e parti dilanti, y dado momento esaki a bira hopi. Algun rato despues e vehiculo tawata bou candela.

Bomberonan a paga e candela, pero ya e auto a ser destrui completamente.