L.G.Smith Boulevard – Diabierna anochi algo prome cu 8:30 informacion a drenta di un accidente entre auto cu brommer poco pabou di Sandra’s Garden Linear Park.
Den algun minuut varios unidad policial a yega e sitio y ta haya un motociclista seriamente herida cu kap serio na cabes. Mesora a pidi pa un ambulance, mientras e camindanan a wordo cera desviando e trafico.
Testigonan a conta polis cu e brommer lo a bay “bari mop” o sea haci fever.
Aki ta unda cos a bay robes y aunke e trafico contrario mirando kiko ta bay pasa a trata na evita e impacto, pero asina mes e brommer ta dal contra e auto.
Algun minuut despues ambulance a presenta y tambe departamento di trafico.
Paramediconan mesora a cuminsa atende cu e motociclista, preparando e pa bay Hospital. Algun persona na e sitio prome cu Paramediconan a yega tawata wanta su cabes unda e la ricibi e kap.
Mester remarca cu e brommer BMM CR1000 cora cu blanco no tawata tin plachi number y niun otro documento, esaki a pone cu polis a pidi takelwagen pa bay cu ne Balashi.
