Curpa sin bida di Julio ” Buchi” Dirksz, (77) haya den mondi na Shete

Shete: Diabierna den careda di 11’or di mainta, famia of conoci di Julio “Buchi” Dirksz, a bin topa cu curpa di Buchi, den mondi na Shete, un poco mas pabou di du cas den un mondi cera.

Mesora famia a bati alarma y autoridadnan concerni a bay na e sitio. Ambulance tambe a presenta, pero no por a haci nada mas pa Buchi.

Buchi Dirksz tabata tin mas o menos 3 dia perdi. Dialuna anochi tabata e ultimo biaha cu famia a mira Buchi na bida. Buchi tabata un persona delicado di salud y ta dialuna mainta a sali for di hospital.

Nos ta extende nos mas profundo palabranan di condolencia na famia di Julio “Buchi” Dirksz, cu Buchi sosega na paz.