Oranjestad: Dialuna Sr. Biemans kende lo a wordo yama pa Landsrecherche pa presenta dialuna mainta na Vondellaan, y despues di a sinta como 3 ora cu e oficialnan di landsrecherche a sali den careda di 12 ‘or bek.
Muy probablemente su nomber lo a wordo “menciona” of lo por a aparece un caminda.
Mas sigur Landsrecherche lo kier a haya algun informacion adicional for di Sr. Biemans cu ta di sumo importancia pa e investigacion sigui cana.
Sr. Biemans ta un hotelero grandi y hopi conoci na Aruba. E semper ta focus riba protecion di e medio ambiente na Aruba. Su Hotel hopi biaha a yega di gana varios Awards International.
Durante cu sr. Biemans tabata na Landsrecherche, transport di C.E.A. a bin trece Leoncita pa mas interogacion.
Un rato despues cu sr. Biemans a sali for di e oficina di Landsrecherche, e transportwagen di C.E.A. a trece Pieter Susebeek y algun rato despues cu Susebeek a yega Sra.Leoncita a wordo busca bek. Abogado Kenwood lo a asisti Arends den oranan di mainta.
Pues den oranan di dialuna merdia Susebeek lo pasa algun ora di interogacion na Vondellaan.
