Boksmento na crusada Caya Ing. Roland H. Lacle cu Van Leeuwenhoekstraat, pa falta di dunamento di Preferencia

Oranjestad: Diamars den oranan di mainta a sosode un boksmento na e crusada di Caya Ing. Roland H. Laclé cu Van Leeuwenhoekstraat, mesora a pidi pa presencia di polis.

Na yegada nan a bin compronde cu ta pa falta di dunamento di preferencia, un Hyundai Tucson bayendo direcion panort, a subi e crusada sin duna preferencia na e Suzuki Swift cu tabata biniendo di pariba y a dal contra esaki.

E daño material no tabata hopi, tambe no tabata tin hende herida. Tur e papelnan lo tabata na ordo y companianan di aseguro a atende cu e boksmento aki.