Green Corridor – Diamars mainta pa mas o menos 9’or polis a wordo informa cu na Hyatt place e banda di Green Corridor lo tin un situacion basta peligroso.
Locual tawata pasando ta cu e hotel lo ta bezig cu un of mas mantencion na un parti halto parti pafo, y tawata usando un heavy equipment. E situacion a bira un problema momento cu esaki tawata treciendo un peliger pa trafico y pa e persona mes den e machine cu ta na halto.
Un patrouille a wordo manda e area y di leu nan ta constata cu e parti patras di e machine ta parcialmente ariba caminda, loke tawata causa un peliger serio.
Polisnan a keda a para na e sitio y a cende nan zwaailicht pa automobilistanan por mira esaki.
Despues di un rato e machine a wordo movi y lo mester continua un otro dia, y/of lo mester avisa polis.
