NEW YORK -Estados Unidos:
Informacion personal di mey biyon usarionan di Facebook un biaha mas ta riba caya, desde ayera nan tabata online y por a subi mira e datosnan personal aki gratis.
Segun e oficina di media Bloomberg, esaki ta pone hende para keto un rato, con e compania por ta capas di acumula asina hopi datos personal, pero tin problema pa warda e informacion aki den un forma mas safe cu ta posibel.
Datosnan individual di 533 miyon usarios di facebook a lek. Segun Business Insider ta trata di entre otro, number di telefon, nombernan completo, fecha di nacemento, mas informacion y tambe algun email adres.
Segun e vocero di Facebook, den un email a declara, cu ta trata di datosnan bieu, cu anteriormente a keda raporta caba. Segun Facebook ” nos a descubri esaki y a regla e cuestion aki for di augustus 2019.”
E tempo ey facebook tabata confrontando algun problema tecnico, caminda informacion lo por a lek, pero nan a fix esaki caba.
Facebook a drecha e problema pa mas informacion no lek, pero no ta possibel pa preveni cu e datosnan cu ya ta riba caya lo sigui wordo distribui riba internet. Como resultado, Alon Gal, un specialista di cybercriminalidad na Hudson Rock Company, lo a topa nan atrobe riba un hackers forum diasabra ultimo.