Palm Beach: Diasabra algo pasa di 11’or di anochi, un patruya di Strandpolitie tabata pasando den e area di hotzone un na altura di Sopranos, nan a nota un turista homber canando memey caminda, mesora e polisnan a dicidi di bay atende cu ne.
Na momento cu un agente feminino a baha for di auto, e homber turista lo a trata na dal e agente femenino aki cu un cups cu e tabata tin den su man. Mesora su otro coleganan polis a manda e homber vloer y bisti’e boei, e homber a keda deteni pa falta autoridad respet. E homber turista tabata mustra cu e tabata basta bou influencia.
Transportwagen di polis a transport’e pa warda di Strandpolitie y despues a hibe Warda di Santa Cruz, caminda e lo a pasa su anochi den un cel y no den su camber di hotel di luho cu e la paga p’e.
