Home » Homber a menasa ex pareha y e guy nobo di su ex cu morto

Homber a menasa ex pareha y e guy nobo di su ex cu morto

by Admin
0 comment 72 views

Kamay: Diadomingo algo pasa di mey anochi, presencia di varios patruya di polis a wordo pidi na un cas na Kamay, pa un persona cu lo tabata tin un arma di candela den su poder y lo a menasa hende.

Mesora e patruyanan e patruyanan di Noord, Oranjestad y Santa Cruz a bay cu urgencia na e cas. Na yegada mesora e agentenan policial a actua y a logra detene e sospechoso, pa motibo cu e la menasa hende y supuestamente e lo tabata tin un arma di candela den su poder. E la keda deteni y transporta cu transportwagen di polis pa Warda di Shaba.

Na e sitio nan a bin compronde cu homber aki a yega na e cas y sin permiso a drenta den e apartamento di su ex pareha. E la cuminsa haci problema, e la menasa su ex pareha y tambe e pareha nobo di su ex cu morto.

Polisnan na e sitio mesora a cuminsa cu un buskeda pa e supuesto arma, pero nan no a logra haya niun arma di candela. Mientras cu polis tabata tumando declaracion di e dama y su pareha nobo, nan a conta cu e homber a menasanan tambe via telefon. Un bentana di e apartamento a wordo kibra. Pa e destruccion aki polis a detene un otro persona na e sitio.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio