Amsterdam, Hulanda: E abogado Christian Flokstra a confirma esaki cu Nu.nl, pa motibo di e deber confidencial entre e abogado cu cliente, e no por a duna e motibo di nan retiro. Abogado Flokstra hunto cu su colega abogado Nico Meijering na cuminsamento di februari nan a retira for di e caso.
E sospechoso Saïd R. hunto cu Ridouan Taghi ta wordo sospecha di ta envolvi den casonan di likidacion y traficacion grandi di droga. Ambos ta sospechoso den e caso grandi yama Marengo liquidatieproces.
E testigo principal Nabil B. a declara contra Taghi y Saïd R. relaciona cu un serie di likidacion y intento di likidacion di Macro Maffia.
Taghi cu ta e sospechoso principal den e Marengo-proces tabata pa un tempo largo fugitivo, na december 2019 ela wordo deteni na Dubai. Segun e hefe di polis, Taghi tabata scondi den un Villa cu cortina cera.
Hopi lihe despues di su detencion Ridouan T. a keda extradita y entrega na autoridad hulandes. Actualmente Taghi ta cera den un cel na EBI na Vught Hulanda. Su man drechi mientras tanto tambe a keda deteni, e la wordo deteni den un cas na Medellin, Colombia. E ta cera pendiente un posibel extradicion pa Hulanda. Varios imagen a keda capta di su detencion.
