Watty Vos Boulevard – Diadomingo anochi algo pasa di 9’or polis y ambulance a wordo notifica di un accidente serio poco panort di e funeral home situa ariba Watty Vos Boulevard. Prome informacionnan tawata cu lo tin dos persona benta ariba caminda.
Esaki a pone cu varios unidad policial a cuminsa bay direccion e boulevard cu urgencia.
Na yegada a resulta cu un persona tawata herida y su amigo cu tawata mas patras a mira cu un auto lo a hit and run su amigo.
Por a scucha ta conta polis cu e la mira su amigo bay halto y bay cay unda cu e brommer mes a lastra un 75 meter pa termina casi ariba e rotonde di Cumana.
E motociclista a ricibi golpi na cabes y tawata tin hopi rasca na su curpa. Su amigo tawata trata di splike cu e la haya accidente, pero debi na golpi e no tawata compronde kiko ta pasando.
Paramediconan na yegada mesora a baha pa mira e gravedad di e heridanan y algun rato despues nan a pone ariba brancard y a sali direccion Hospital algun minuut despues.
Rotonde di Wayaca mester a wordo cera evitando trafico yega unda e accidente ta y stroba e trabounan di Paramediconan y polis di trafico pa haci nan investigacion.
